26
апрель
2022
Білімнің биік-биік шыңдарын бағындыра берулеірізге тілектеспіз
Almatydaryny өзінің Instagram бетінде Алматы қаласының қоржыны жалпы білім беретін пәндер бойынша 9-11 сынып оқушылары арасында өткізілген республикалық олимпиаданың нәтижесінде 86 медальға толыққаны туралы жазады. Медальдардың 16-ы алтын болса, 26-ы күміс, 44-і бронза екендігі көрсетіледі. Осы алтын медальдардың біреуі біздің мектеп оқушысының еңбегі екенін мақтан етеміз. Нақтылап айтқанда, қаңтар айында басталып наурыз, сәуір айларында жалғасқан жалпы білім беретін пәндер бойынша 9-11 сынып оқушылары арасында өткізілген республикалық олимпиаданың аудандық, қалалық кезеңдеріне қатысып, жүлделі бірінші орынға ие болған А.Розыбақиев атындағы №153 мектеп-гимназиясының 10 –сынып оқушысы Сарсембаева Паризат енді республикалық олимпиаданың ақтық кезеңінде де бірінші орын алу мәртебесіне ие болды. Ол қазақ тілі пәні бойынша 2 кезеңнен тұратын тапсырмаларды орындауда білімін жоғары деңгейде көрсете алды.Шәкіртіне бағыт-бағдар беріп, жоғары жетістіктерге жетуіне тікелей қатысқан жетекшісі, мектептің қазақ тілі мен әдебиеті пәні мұғалімі Сихимбаева Махмуда Мұбашаровна мен Паризатқа білімнің биік-биік шыңдарын бағындыра беруіне тілектеспіз.
