«Алматы қаласы әкімінің арнайы гранты» қалалық байқауының, «Үздік педагог» республикалық байқауының, «Алматының жыл мұғалімі» қалалық байқауы
«Алматы қаласы әкімінің арнайы гранты» қалалық байқауының, «Үздік педагог» республикалық байқауының, «Алматының жыл мұғалімі» қалалық байқауларының мектепішілік іріктеу кезеңдері өтті
Жақында мектеп-гимназияда «Алматы қаласы әкімінің арнайы гранты» қалалық байқауының, «Үздік педагог» республикалық байқауының, «Алматының жыл мұғалімі» қалалық байқауларының мектепішілік іріктеу кезеңдері өтті. Аталған байқауларға мектебіміздің 12 мұғалімі қатысты. Байқаулардың жеңімпаздарын анықтау үшін конкурстық комиссия құрылды.Байқауға қатысушылар білім беру қызметіндегі жеке кәсіби жетістіктері, оқушыларының оқуы мен тәрбиесі мен дамыуының нәтижесі, педагогтің белгілі бір уақыт аралығындағы білім беру жүйесін дамытуға қосқан үлесі ұсынылған жеке папкасын (педагог портфолиосы), «Менің инновациялық тәжирібем» айдарымен мұғалімнің кәсіби шығармашылығының тұжырымдамалық негіздерінің, әдістемелік және технологиялық құрылысының 10 минуттық таныстырылымын, «Менің мектебімнің жүрегі» атты ұзақтығы 1 минут видеоролик ұсынды. Сонымен қатар «Сабағым-мұғалімнің кәсіби тұжырымының айнасы» айдарымен ашық сабақтар көрсетті.
Конкурстық комиссия шешімімен «Үздік педагог» республикалық байқауының ІІ кезеңіне Ушурова С.А., Иминова Б.О. «Алматының жыл мұғалімі» қалалық байқауларының ІІ кезеңіне Ниязова Г.А. «Алматы қаласы әкімінің арнайы гранты» қалалық байқауының ІІ кезеңіне Аскарова А.Н. ұсынылды.
